Template:Appeal/default/af

Google het waarskynlik amper 'n miljoen bedieners. Yahoo het sowat 13 000 personeellede. Ons het 679 bedieners en 95 personeellede.

Wikipedia is die #5-tuiste op die web en bedien elke maand 470 miljoen verskillende mense - met miljarde bladsybesoeke.

Handel is goed. Reklame is nie sleg nie. Maar dit hoort nie hier nie. Nie op Wikipedia nie.

Wikipedia is iets besonders. Dit is soos 'n biblioteek of 'n openbare park. Dit is soos 'n tempel vir die gees. Dit is 'n plek waarheen ons almal kan gaan om te dink, te leer en ons kennis met ander te deel.

Toe ek Wikipedia gestig het, kon ek dit 'n winsgewende maatskappy met advertensiebaniere gemaak het, maar ek het besluit om iets anders te doen. Ons het oor die jare hard gewerk om dit lig en beknop te hou. Ons vervul ons missie, en laat vermorsing aan ander oor.

As almal wat hierdie brief lees net $5 skenk, sal ons net een dag per jaar hoef geld in te samel. Maar nie almal kan of wil skenk nie. En dit is ook goed. Elke jaar gee net genoeg mense geld.

Dalk kan jy dit vanjaar oorweeg om $5, €10, R40, of wat jy ook al kan bekostig, te skenk om Wikipedia te beskerm en te onderhou.

Dankie,

Jimmy Wales
Wikipedia-stigter