Template:Appeal/Kaldari/pam

Tutung usu ya pin kanita, "cool" ya, ing Aptas o Internet.

Talagang maragul ing pamiyaliwa-liwa king Aptas kanitang "minumang panaun" anyang 90’s a balamu metung yang balen o komunidad da reng interesanting tau, at e – balu mu na – pepasanting a telebisyon, a yang paglalawe tamu ngeni.

Metung ku kareng volunteer o magkusa a miglalang king Wikipedia. At kanita pa, migdisisyun na kaming mas maulaga ing pamirake king impormasyun ampo ing pamanuru kareng tau kesa king pamanakitan. Anya pin ing Wikipedia panibalan ne ning metung a aguman o organisasyun a e para king túbû (non-profit organization), at kapilanman e mika patalastas. Oneng mángaylangan ya muring pera ba lang manatiling gágana deng kayang server at pasweldwan no reng kayang empleadu. Pero imbes na ating advertiser ampong impluwensya ning perang mákyalam king eganaganang gagawan mi, ing bukud mi mung gagawan, ing manyad king kekayung saup banwa-banwa ba yang suportan ing metung a tutung komunidad da reng taung manalakaran king metung a bageng aliwa, bageng makabukud, king Internet o Aptas. Sana makasaup kayu kapamilatan ning $5, $10, o magkanu man ing agyu yu.

Kaybat da reng pilang banwang pamag-edit king Wikipedia, linub ku murin king kayang staff atimong software developer. At agyu kung sabyan kekayu, lubusan yang másiksik at e magastus ing balangkas o sistemang susuporta king Wikipedia.

Alus metung la ping milyun deng server ning Google. At manga labi lang atlung libu (13,000) deng empleadu ning Yahoo. Ikami, atin kaming apat a ralan (679) a server, at syam a pulu't atlung (95) empleadu.

Ing Wikipedia ing kalimang manimunang karinan king Aptas (#5 site on the web), at pagsilbyan no reng apat a ralan adwang pulu't adwang myayaliwang tau (470 million different people) balang bulan – at bilyun-bilyun deng besis lalawan.

Ing pekamasanting king pamagkalub o pamag-donate, potang mamye kang $10 king Wikipedia, dakal yang ulit daragul iti. Nung babayaran na nitang $10 ing sweldu ning metung a developer, a mákálalang kasangkapan o tool ba lang gawang bageng misnang kayap o santing deng metung a libung volunteer king Wikipedia, bigla, pepaintulutan na ning kekang $10 a marapat ya ing bageng maygit pa o mas maragul pa kesa king sanumang aliwang website o karinan-Aptas.

Uli ning kekang donasyun, taglus-taglus miyang malyaring samasan ing Wikipedia – at siguradwan a agyang keni mu, usu ya pa murin, "cool" ya pa murin, ing Aptas o Internet.

Salamat,

Ryan Kaldari
Wikipedia Programmer